ಚಿತ್ರದುರ್ಗದ ರೇಣುಕಾ ಸ್ವಾಮಿ ಕೊಲೆ ಪ್ರಕರಣದಲ್ಲಿ ನ್ಯಾಯಾಂಗ ಬಂಧನದಲ್ಲಿರುವ ನಟ ದರ್ಶನ್ ನೋಡಲು ಪರಪ್ಪನ ಅಗ್ರಹಾರಕ್ಕೆ ಅಭಿಮಾನಿಗಳು ದಿನನಿತ್ಯವೂ ಲಗ್ಗೆ ಇಡುತ್ತಿದ್ದಾರೆ. ಜೈಲಿನ ಬಳಿ ಬಂದು ದರ್ಶನ್ ನೋಡಲು ಅವಕಾಶ ಮಾಡಿಕೊಡಿ ಎಂದು ಮನವಿ ಮಾಡುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಜೈಲಿನ ಅಧಿಕಾರಿಗಳಿಗೆ ನನ್ನನ್ನು ನೋಡಲು ಯಾರನ್ನು ಬಿಡಬೇಡಿ ಎಂದು ನಟ ದರ್ಶನ್ ಮನವಿ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ.
ಪೊಲೀಸ್ ಅಧಿಕಾರಿಗಳ ಮೂಲಕ ನಟ ದರ್ಶನ್ ತಮ್ಮ ಅಭಿಮಾನಿಗಳಿಗೆ ಸಂದೇಶವನ್ನು ರಮಾನಿಸಲಾಗಿದ್ದು. ಜೈಲಿನ ಬಳಿ ನನ್ನನ್ನು ನೋಡಲು ಯಾರು ಬರಬೇಡಿ, ನಿಯಮಾನಸಾರ ಭೇಟಿ ಮಾಡುವುದು ಆಗುವುದಿಲ್ಲ ಹೀಗಾಗಿ ಯಾರೂ ಕೂಡ ಜೈಲಿನ ಬಳಿ ಬಂದು ಕಾಯುವುದು ಬೇಡ. ಹಾಗೂ ನನ್ನ ಭೇಟಿಗೆ ಅವಕಾಶ ಸಿಗದೇ ನಿರಾಶೆಯಾಗುವುದು ಬೇಡ ಎಂದು ಹೇಳಿಕೊಂಡಿದ್ದಾರೆ.
ನಟ ದರ್ಶನ್ ಭೇಟಿ ಮಾಡಲು ಯಾರಿಗೂ ಅವಕಾಶ ನೀಡಬೇಡಿ ಎಂದು ಹೇಳಿದ್ದು, ನನ್ನ ಸಹೋದರ ಅಥವಾ ತಾಯಿ ಬಂದರೆ ಬೇಟೆಗೆ ಅವಕಾಶ ಮಾಡಿಕೊಡಿ ಎಂದು ಕೇಳಿಕೊಂಡಿದ್ದಾರೆ.
ಕಳೆದ ಗುರುವಾರ ವಿಶೇಷಚೇತನ ಯುವತಿ ಸೌಮ್ಯ ಜೈಲಿನ ಬಳಿ ಬಂದು ಅನ್ನ ನೀರು ಬಿಟ್ಟು ಭೇಟಿಗಾಗಿ ಹಠ ಹಿಡಿದಿದ್ದರು. ಈ ವಿಷಯ ತಿಳಿದ ನಟ ದರ್ಶನ್ ಬೇಸರ ವ್ಯಕ್ತಪಡಿಸಿದ್ದು ಭೇಟಿಗಾಗಿ ಯಾರು ಬರದಂತೆ ಅಭಿಮಾನಿಗಳಿಗೆ ಮನವಿ ಮಾಡಿದ್ದಾರೆ.
