ಬಹಳ ದಿನಗಳ ನಂತರ ಕನ್ನಡ ಚಿತ್ರರಂಗಕ್ಕೆ ಶುಭ ಗಳಿಗೆ ಬಂದಿದೆ. ಇತ್ತೀಚೆಗೆ ರಿಲೀಸ್ ಆದ ಭೀಮ ಚಿತ್ರವು ಪ್ರೇಕ್ಷಕರನ್ನು ಚಿತ್ರಮಂದಿರಗಳತ್ತ ಕರೆದುಕೊಂಡು ಬರುವುದಕ್ಕೆ ಸಹಕಾರ ನೀಡಿತ್ತು. ಇದೇ ರೀತಿಯಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಕೃಷ್ಣಂ ಪ್ರಣಯಂ ಸಖಿ ಚಿತ್ರವು ರಿಲೀಸ್ ಆಗಿದ್ದು, ಉತ್ತಮ ಪ್ರತಿಕ್ರಿಯೆಯನ್ನು ಪಡೆದುಕೊಳ್ಳುತ್ತಿದೆ.
ಈ ಚಿತ್ರವು ಪ್ರೇಕ್ಷಕರಲ್ಲಿ ತುಂಬಾ ಭರವಸೆಯನ್ನು ಮೂಡಿಸಿತ್ತು, ಈಗಾಗಲೇ ಹಾಡುಗಳು ಸಖತ್ ವೈರಲ್ ಆಗಿ ಎಲ್ಲರ ಮನ ಮುಟ್ಟಿವೆ. ಟ್ರೈಲರ್ ಮತ್ತು ಟೀಸರ್ ಭರವಸೆಯನ್ನು ದುಪ್ಪಟ್ಟು ಮಾಡಿತ್ತು. ಗಣೇಶ್ ತನ್ನ ಅಭಿಮಾನಿಗಳಿಗಾಗಿ ಕೆಲ ದಿನಗಳ ನಂತರ ಸಂಪೂರ್ಣ ಮನರಂಜನೆ ನೀಡಲು ತಯಾರಾಗಿ ಬಂದಿದ್ದಾರೆ.
Krishnam Pranaya Sakhi First Day Collection
ಮೊದಲ ದಿನ ಅಂದರೆ ಸ್ವಾತಂತ್ರ್ಯ ದಿನದಂದು ಕೃಷ್ಣಂ ಪ್ರಣಯ ಸಖಿ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ 1.25 ಕೋಟಿ ರೂಪಾಯಿ ಗಳಿಕೆ ಮಾಡಿದೆ. ಈ ಸಿನಿಮಾ ಬುಧವಾರ ಸಂಜೆಯೇ ಪ್ರೀಮಿಯರ್‌ ಶೋ ಆರಂಭಿಸಿತ್ತು. ಅಂದರೆ, ಕೆಲವು ಥಿಯೇಟರ್‌ಗಳಲ್ಲಿ ಪ್ರೀಮಿಯರ್‌ ಶೋ ಆಯೋಜಿಸಿತ್ತು. ಒಟ್ಟಾರೆ, ಗೋಲ್ಡನ್ ಸ್ಟಾರ್ ಗಣೇಶ್ ನಟನೆಯ ಈ ಸಿನಿಮಾ ಮೊದಲ ದಿನವೇ ಗಲ್ಲಾಪೆಟ್ಟಿಗೆಗೆ 1.25 ಕೋಟಿ ರೂಪಾಯಿ ಗಳಿಕೆ ಮಾಡಿದೆ ಎಂದು ಸಕ್‌ನಿಲ್ಕ್‌.ಕಾಂ ವರದಿ ಮಾಡಿದೆ.
ಕೃಷ್ಣಂ ಪ್ರಣಯ ಸಖಿ ಸಿನಿಮಾವು ಗೋಲ್ಡನ್ ಸ್ಟಾರ್ ಗಣೇಶ್ ನಟನೆಯ ಸಿನಿಮಾ. ಗಣೇಶ್ ಜತೆ ಮಾಳವಿಕಾ ನಾಯರ್‌ ನಟಿಸಿದ್ದಾರೆ. ಶ್ರೀನಿವಾಸ್‌ ರಾಜು ನಿರ್ದೇಶನ ಮಾಡಿದ್ದು, ನಾಯಕಿಯಾಗಿ ಕನ್ನಡ ಚಿತ್ರರಂಗಕ್ಕೆ ಮಾಳವಿಕ ಚೊಚ್ಚಲ ಪ್ರವೇಶ ಮಾಡಿದ್ದಾರೆ. ಶರಣ್ಯ ಶೆಟ್ಟಿ ಎರಡನೇ ನಾಯಕಿ. ಇನ್ನುಳಿದಂತೆ ಸಾಧುಕೋಕಿಲಾ, ರಂಗಾಯಣ ರಘು, ಸುಧಾರಾಣಿ, ಶ್ರುತಿ, ಶ್ರೀನಿವಾಸ ಮೂರ್ತಿ ಕೂಡ ನಟಿಸಿದ್ದಾರೆ.
