Kalki 2898 AD first day box office collection: ಪ್ರಭಾಸ್, ದೀಪಿಕಾ ಪಡುಕೋಣೆ ಸೇರಿದಂತೆ ಸ್ಟಾರ್ ಕಲಾವಿದರೇ ತುಂಬಿರುವ ಬಹುನಿರೀಕ್ಷಿತ ಸಿನಿಮಾ ‘ಕಲ್ಕಿ 2898 ಎಡಿ’ ಬಿಡುಗಡೆಯಾಗಿದ್ದು, ದೇಶದಾದ್ಯಂತ ಬಾಕ್ಸ್ ಆಫೀಸ್ ನಲ್ಲಿ ಧೂಳೆಬ್ಬಿಸುತ್ತಿದೆ. ಪ್ರಭಾಸ್ ನಟನೆಗೆ ಸಿನಿ ಪ್ರೇಕ್ಷಕರು ಮನಸೋತು ಮೊದಲ ದಿನದಲ್ಲೇ ದಾಖಲೆಯ ಪ್ರಮಾಣದಲ್ಲಿ ಟಿಕೆಟ್ ಮಾರಾಟವಾಗಿವೆ. ಇದರ ಜೊತೆಗೆ ದೇಶದ ಅನೇಕ ಸೆಲೆಬ್ರಿಟಿಗಳು ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡು ಸಿನಿಮಾಕ್ಕೆ ಮತ್ತಷ್ಟು ರಂಗು ತಂದುಕೊಟ್ಟಿದ್ದಾರೆ.
2015ರಲ್ಲಿ ಎಸ್ಎಸ್ ರಾಜಮೌಲಿ ನಿರ್ದೇಶನದ ಬಾಹುಬಲಿ ಸಿನಿಮಾ ತನ್ನ ಎಲ್ಲ ದಾಖಲೆಗಳ ಮೂಲಕ ಇಡೀ ವಿಶ್ವವನ್ನೇ ಭಾರತ ಚಿತ್ರರಂಗದ ತಿರುಗಿ ನೋಡುವಂತೆ ಮಾಡಿತ್ತು. ಅದೇ ರೀತಿಯಾಗಿ ಒಂದು ದಶಕದ ನಂತರ ನಿರ್ದೇಶಕ ನಾಗ ಅಶ್ವಿನ್ ಕಲ್ಕಿ 2898 ಎಡಿ’ ಸಿನಿಮಾದ ಮೂಲಕ ಮತ್ತೊಮ್ಮೆ ಭಾರತ ಚಿತ್ರರಂಗದತ್ತ ತಿರುಗಿ ನೋಡುವಂತೆ ಮಾಡಿದ್ದಾರೆ.
‘ಕಲ್ಕಿ 2898 ಎಡಿ’ ಚಿತ್ರಕ್ಕೆ ದೇಶದಾದ್ಯಂತ ಉತ್ತಮ ಪ್ರತಿಕ್ರಿಯೆ ದೊರೆಯುತ್ತಿದ್ದು. ಸಿನಿಮಾ ಭಾರತದಲ್ಲಿ 95 ಕೋಟಿ ರೂಪಾಯಿ ಬಾಚಿಕೊಂಡಿದೆ. ಗ್ರಾಸ್ ಕಲೆಕ್ಷನ್ ಲೆಕ್ಕಾಚಾರ 115 ಕೋಟಿ ರೂಪಾಯಿಯನ್ನು ಬಾಚಿಕೊಂಡಿದೆ. ಈ ಮೂಲಕ ‘ಕಲ್ಕಿ 2898 ಎಡಿ’ ಚಿತ್ರವು ಹಲವು ಚಿತ್ರಗಳ ದಾಖಲೆ ಮುರಿದಂತೆ ಆಗುತ್ತದೆ. ಹೀಗಾಗಿ ಪ್ರಪಂಚದಾದ್ಯಂತ ಕಲ್ಕಿ 2898 ಎಡಿ ಚಿತ್ರವು ಬಿಡುಗಡೆಯಾದ ದಿನವೇ 180 ಕೋಟಿಯನ್ನು ಗಳಿಸಿರಬಹುದು ಎಂದು ಅಂದಾಜು ಮಾಡಲಾಗುತ್ತಿದೆ. ಆ ಪೈಕಿ ಭಾರತದ ಪಾಲು 95 ಕೋಟಿ ಇದ್ದು, ಈ 95 ಕೋಟಿಯಲ್ಲಿ ಕೇವಲ ಆಂಧ್ರ ಪ್ರದೇಶದಲ್ಲಿಯೇ ಕಲ್ಕಿ 64.5 ಕೋಟಿ ರೂಪಾಯಿ ಹಣ ಗಳಿಸಿದೆ. ಇನ್ನೂ ತಮಿಳಿನಲ್ಲಿ 04 ಕೋಟಿಯನ್ನು ಗಳಿಸಿರುವ ಕಲ್ಕಿ 2898 ಎಡಿ, ಮಲಯಾಳಂನಲ್ಲಿ 2.2 ಕೋಟಿಯನ್ನು ಗಳಿಸಿದೆ.
ಕಲ್ಕಿ 2898 ಎಡಿ’ ಚಿತ್ರ ಜೂನ್ 27ರಂದು ರಿಲೀಸ್ ಆಗಿದೆ. ಮೊದಲ ದಿನವೇ ಲಕ್ಷಾಂತರ ಟಿಕೇಟ್ಗಳು ಮಾರಾಟವಾಗಿದ್ದು, ಸಿನಿಪ್ರಿಯರು ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಮಹಾಭಾರತದ ಕಥೆಯಿಂದ ಸಿನಿಮಾವು ತನ್ನ ಆರಂಭವನ್ನು ತೆಗೆದುಕೊಳ್ಳುತ್ತದೆ ಈ ಮೂಲಕ ನಾಗಶ್ವಿನ್ ರವರು ತಮ್ಮ ಅದ್ಭುತ ನಿರ್ದೇಶನದಲ್ಲಿ ರೋಮಾಂಚನಕಾರಿ ಕ್ಲೈಮ್ಯಾಕ್ಸ್ ನೀಡಿದ್ದಾರೆ.
